بتواجهنا صعوبات كتيره جدا فى العمل على ميرش باى امازون لان من الصعب جدا
انك تبيع تيشرت فى ميرش باى امازون بكم المنافسه الرهيب الموجود على موقع امازون علشان كدا كان لازم نتكلم عن طرق الترويج ونطرح افكار جديده فى اننا ازاى نقدر نكسب ونعمل تيشرت ناجح فى ميرش باى امازون لانه ببساطه لو بعت اول تيشرت هتبقى فتحه خير عليك ان شاء الله
نبدأ على بركه الله
1_الKeywords
مينفعش تعتمد على امازون فقط فى الترويج للتيشرت بتاعك .هو فعلا بيحط التيشرت بتاعك على املوقع ولكن ممكن يبقى فى صفحات بعيده جدا عن متناول الزائر ف بالتالى مش هيظهر التيشرت بتاعك علشان كدا لازم نشتغل على Keywords تكون قويه والمنافسه فيها قليله . ودى تقدر تجيبها بسهوله من موقع keywordpalnner.
2_ التسويق
من الطرق ال بتغنيك عن حلول كتير وتعب كتير انك تكون مسوق ناجح وتقدر تسوق لاى حاجه مش شرط تعمل اعلان ممول فى طرق مجانيه كتيره ممكن تستخدمها ولكن هتحتاج منك شويه وقت زى مثلا انك تعمل حساب facebook .twitter.pinterest.instgram.tumblr. الحسابات ى كلها هنبقى عملينها علشان نقدر ننعرض عليها شغلنا ويبقى زى Store ليك تقدر تجذب فيه الزبون بتاعك علشان يشترى منك التيشرت ال انت بتقدمه .
3_ النيتش
اثبتت دراسات كتير جدا ان المحلات او الناس ال بتشتغل فى تخصص واحد فقط بتكون انجح بكتير جدا من الناس او المحلات ال شغاله فى كذا حاجه لانها بكل بساطه بتقدر ترضى كل الاذواق تقريبا عكس ال شغال ف اكتر من مجال ومن هنا تيجى فكره النيتش انك تختار نيتش واحد فقط تقدر تشتغل عليه وقتها هتبقى مميز ومختلف فى الميرش باى امازون وهتقدر تحقق ارباح خياليه لانك هتتعرف بالاسم .
4_السعر
علشان تبيع اول تيشرت مش لازم تحط 20$ او حتى 15 دولار اعرف ديما ان اى مشروع او اى محل بيبدأ جديد لازم يقدم تنازلات علشان يبقى مختلف ويبيع بنفس الجوده وبسعر ارخص ممكن نبدا ب 12.89 وافتكر اننا عوزين نبيع الاول وبعد كدا نفكر ف الفلوس .
5_التفكير بره الصندوق
من اهم اهم الاسباب للنجاح وان تيشرتك دا ممكن يكون رقم واحد فى ميرش انك تفكر بطريقه غير تقليديه فى انك مثلا عامل تيشرت لكلمه مشهور ف فيلم ممكن تخش على صفحه مهتمه بالفيلم دا وتعرض تيشرتك عليه . ممكن كمان تحط التيشرت على اليوتيوب فى بوستر الفيلم ممكن تحطوا فى منتديات اجنبى مهتمه بالافلام بتاعه بطل الفيلم او النجم ال قال الكلم دى ووقتها انت هتبقى مختلف اختلاف تام فى طريقتك فى جلب الزبون للتيشرت بتاعك .
تابع الفيديو من هنا